Shymkenttik qutqarýshylar bir otbasyn ýlanýdan aman alyp qaldy

ShYMKENT. QazAqparat - Shymkenttik qutqarýshylar bir otbasyn ýlanýdan aman alyp qaldy, dep habarlaıdy QazAqparat tilshisi.

Oqıǵa 23 sáýir kúni boldy. Qutqarý qyzmetiniń «112» telefon nomerine habarlasqan turǵyndar týystarynyń biraz ýaqyttan beri esikti ashpaı jatqanyn aıtqan.

Ál-Farabı aýdany Jangeldın kóshesi boıyndaǵy 28 úıdiń páterin buzyp kirgen qutqarýshylar ishten 6 adamdy qaýipsiz jerge alyp shyqty.

Olardyń ishinde 1987 jylǵy azamatsha jáne 2003, 2005 jyly týǵan qyzdar men 2011, 2013, 2015 jylǵy er balalar bar.

«Qutqarýshylar zardap shekkenderdi taza aýaǵa shyǵaryp, alǵashqy medıtsınalyq kómek kórsetti. Keıin jedel járdem qyzmetkerlerine tapsyrdy. Qazirgi tańda otbasynyń ýlaný sebepteri anyqtalyp jatyr. Sot-medıtsınalyq saraptama taǵaıyndaldy» - delingen Shymkent qalasy TJD qoǵammen baılanys toby taratqan aqparatta.