Shymkenttik qutqarýshylar «Almaty – Shymkent» jolyndaǵy jolaýshylarǵa kómektesti

ShYMKENT. QazAqparat – Kún raıynyń buzylýyna baılanysty keshegi demalys kúnderi «Almaty – Shymkent» jolynyń 593-632 shaqyrymy aralyǵy jabylǵan bolatyn. Boran saldarynan kórý qıyndap, jolaýshylardy qutqarý sharalary júrgizildi, dep habarlaıdy QazAqparat tilshisi.

Osy jaǵdaıǵa baılanysty Túlkibas aýdanyna qarasty Shaqpaq baba aýylyna Shymkent qalalyq Tótenshe jaǵdaı departamentinińń qyzmetkerleri kómekke bardy. Departamentke qarasty Órt sóndirý jáne avarııalyq-qutqarý jumystary mekemesinen 9 qyzmetker men 3 tehnıka jolǵa shyǵyp, Shaqpaq baba asýynda qutqarý jumystaryn júrgizdi.

Atap aıtqanda, 12 tehnıka qar úıindilerinen tazartylǵan jerge shyǵarylyp, 16 adam qaýipsiz jerge jetkizilgen. Taǵy 66 adam vahta mashınasynda jylynyp aldy. Sondaı-aq, 22-23 jeltoqsan kúnderi Báıdibek aýdany baǵyty boıynsha kóliktiń barlyq túrleri úshin qozǵalys shektelgen bolatyn.

Munda da qyzmette bolǵan qutqarýshylar Almaly aýyl okrýginiń Báıdibek eldimekeninen 44 jastaǵy áıel men 1 jasar sábıdi 35 km qashyqtyqtaǵy jylytý pýnktine deıin jetkizip, sol jerde jedel medıtsınalyq járdem qyzmetkerleri kútip aldy.

Qazirgi ýaqytta naýqastar Shaıan eldimekenindegi aýrýhanaǵa jetkizilgen jáne dárigerlerdiń baqylaýynda.