Shymkenttik korporatsııa basshylyǵy bıznes úshin 1 gektar jerdi zańsyz berip jibergen

ShYMKENT. QazAqparat - Shymkenttik korporatsııa bıznes úshin 1 gektar jerdi zańsyz berip jibergen. Bul týraly Sybaılas jemqorlyqqa qarsy is-qımyl agenttigi Shymkent qalasy boıynsha departamentiniń basshysy Dáýren Erǵarın Facebook paraqshasynda málimdedi, dep habarlaıdy QazAqparat tilshisi.

Shymkent qalasy boıynsha Sybaılas jemqorlyqqa qarsy qyzmet qurylys salasyndaǵy sybaılas jemqorlyq táýekelderine syrtqy taldaýdy jalǵastyrýda.

2019 jyly «Shymkent» áleýmettik-kásiperlik korporatsııasynyń laýazymdy tulǵalary tarapynan ınvestıtsııalyq jobany iske asyrý úshin bıznes sýbektisine aýktsıonsyz 1 gektar jer berilgen. Bul jer ýchaskesi buryn kásipkerden memleket muqtajy úshin alynyp, biraq keıinnen bıznestiń basqa ókiline tabystalǵan. Tekserý barysynda atalǵan ýchaskede salynǵan kommertsııalyq ǵımaratty ınvestıtsııalyq jobaǵa jatqyzýǵa bolmaıtyndyǵy anyqtaldy.

«Qazirgi ýaqytta jergilikti atqarýshy organnyń jáne «Shymkent» áleýmettik-kásipkerlik korporatsııasynyń jer ýchaskesiniń nysanaly maqsatyn ózgertý jáne iske asyrý jónindegi barlyq sheshimderi, sondaı-aq qurylysty qabyldaý aktisi sot tártibimen jaramsyz dep tanyldy. Sot sheshimi zańdy kúshine engen joq» - dep jazdy Dáýren Erǵarın.