Shymkenttik kásipker: Sandyq tehnologııa ómirimizdi sapaly ete túspek

ShYMKENT. QazAqparat - Elbasy Nursultan Nazarbaevtyń bıylǵy Qazaqstan halqyna Joldaýy bárimizge de jańa baǵyt-baǵdar berip, ári qaraıǵy isterimizge qanat bitirdi. Bul  pikirdi Shymkenttik kásipker ári oblystyq máslıhattyń depýtaty Ábilqasym Dosbolovtyń bildirdi.

Onyń sózinshe, Memleket basshysy óz Joldaýy arqyly bolashaqta  iske asyrýǵa tıisti bolǵan mańyzdy strategııalyq qadamdardy belgilep berdi, dep habarlaıdy QazAqparat tilshisi.

Kásipkerdiń pikirinshe, álemniń bolashaǵy qaıda ketip bara jatqanyn tamyrshydaı tap basa bilgen Memleket basshysy osy Joldaýynda da erekshe saıası kóregendiligin baıqatty.

«Joldaýda baıandalǵandaı, ekonomıkamyz órge baspaı, álemdegi ozyq otyz eldiń qataryna qosyla almaıtynymyz anyq. Elbasynyń qoǵamdy ustap turǵan barlyq salalarǵa tsıfrlyq tehnologııany engizip, sol arqyly álemdik básekege qabiletti bolýymyz kerek degen maǵynadaǵy sózderi maǵan erekshe unady. Shyndyǵynda da elektrondy tehnologııalar dáýiri júrip turǵan zamanda ony kúndelikti tirshiligimizde jan-jaqty qoldanyp, ıgiligin kóre almasaq, eshqashan damyǵan memleket retinde alǵa ozyp shyqpaımyz»,- deıdi Ábilqasym Dosbolov.

Kásipker, sondaı-aq, Prezıdent Joldaýyndaǵy ındýstrııalandyrý saıasaty týraly aıtqan tusy kóńilinen shyqqanyn aıtady.

«Joldaýda Elbasy ındýstrııalandyrý saıasaty  ekonomıkanyń flagmanyna aınalýy tıis degen tapsyrma júktedi. Rasynda da Qazaqstannyń búgingi jetken jetistigi eń aldymen  Memleket basshysynyń pármenimen iske asyrylǵan ındýstrııalandyrý baǵdarlamasynyń arqasynda múmkin boldy. Mine, sonyń nátıjesinde qanshama jańa óndiris oryndary paıda boldy. Ol óz kezeginde myńdaǵan qazaqstandyqtar úshin turaqty jumys kózine aınaldy. Osy baǵyttan taımasaq, elimizdiń keleshegi kemelo bolary sózsiz. Óıtkeni, qazirgi damyǵan memleketterdiń bári de osy jolmen júrip ótken», - deıdi oblystyq máslıhattyń depýtaty.