Shymkenttik kardıohırýrgtar alǵash ret júrekke kúrdeli ota jasady

ShYMKENT. QazAqparat - Shymkenttik kardıohırýrgtar alǵash ret endovıdeotorakoskopııalyq qurylǵynyń kómegimen júrekke ota jasady, dep habarlaıdy QazAqparat tilshisi.

38 jastaǵy naýqas týmasynan júrek aqaýyna shaldyqqan. Megapolıs dárigerleri júrektegi tesikti biteý boıynsha kúrdeli otany úsh saǵat jasady.

Mamandardyń sózinshe, otanyń ereksheligi patsıent tez aıaqqa turyp kete alady.

«Ota jasalǵan naýqastar 3-4 kún ishinde úıine shyǵarylady jáne densaýlyǵynyń qaıta qalpyna kelý merzimi óte qysqa bolady. Taǵy bir aıta ketetin jaıt, kosmetıkalyq turǵydan operatsııadan keıingi tyrtyq bilinbeıdi», - deıdi Shymkent qalalyq Kardıologııalyq ortalyqtyń dırektory Ermaǵanbet Qýatbaev.

Aıta keteıik, shym shahardyń dárigerleri mundaı operatsııany alǵash ret jasap otyr. Ári jaqsy nátıjege qol jetkizdi. Kúrdeli operatsııany jasaý úshin shet elden nemese ózge qaladan bilikti mamandar shaqyrtpaı-aq, óz biliktilikteri arqasynda sátti júzege asyrdy. Otanyń basym bóligi -endovıdeotorakoskopııalyq qurylyǵynyń kómegimen iske asty. Bul apparat ótken jyly jergilikti bıýdjet esebinen alynǵan bolatyn.

Jalpy, qazirgi tańda álemdik kardıohırýrgııalyq tendentsııa osy ádiske kóshýde.