Shymkenttik ǵalymdar sý qoımalaryndaǵy sý deńgeıiniń kóterilýin baqylaıtyn qural oılap tapty
ASTANA. Sáýirdiń 28-i. QazAqparat /Ernur Aqanbaı/ - Almaty oblysy Aqsý aýdany Qyzylaǵash aýylynda bolǵan sý tasqyny oqıǵasyna baılanysty Shymkent qalasyndaǵy «Munaı-Avtomatic» kompanııasynyń mamandary sý qoımalaryndaǵy sý deńgeıiniń kóterilýin baqylaı alatyn jáne ol jaıynda jaryq, dybys jáne radıo dabyldarymen qulaqtandyratyn qural oılap tapty.
Bul jaıynda búgin BNews.kz portalynda vıtse-premer-ındýstrııa jáne jańa tehnologııalar mınıstri Áset Isekeshevtiń qatysýymen ótken online-konferentsııada belgili boldy, dep habarlaıdy QazAqparat.
Bul jańalyqty estigen Á. Isekeshev Indýstrııa jáne jańa tehnologııalar mınıstrligi otandyq ǵylymnyń bul ázirlenimimen tanysýǵa daıyn ekenin atap kórsetti. «Biz olardy erteń kútetin bolamyz. Eger joba olardyń menshigi bolsa, biz ony patentteýge kómektese alamyz. Shymkentte tehnopark bar, atalmysh óndiristi jolǵa qoıýǵa qol ushyn beretin bolamyz», dedi Á. Isekeshev.
Aıta ketıik, aǵymdaǵy jylǵy naýryzdyń 12-de Almaty oblysynyń Aqsý aýdanynda aýa temperatýrasynyń kóterilýinen jáne jaýyndy-shashyndy bolýynan Qyzylaǵash sý qoımasynyń bógeti buzylyp ketip, aýyldy sý basqan bolatyn. Sońǵy málimetter boıynsha sonyń saldarynan 45 adam qaza tapty.
