Shymkenttik fýtbolshylar Eýropa lıgasynyń irikteý kezeńin jeńispen bastady
ALMATY. 6 shilde. QazAqparat - Keshe Serbııanyń ıAgodına qalasynyń 15 myń oryndyq stadıonynda Eýropa lıgasynyń irikteý kezeńiniń alǵashqy oıyny ótti.
Onda Shymkenttiń «Ordabasy» men alań ıeleriniń «ıAgodına» komandalary kezdesti. Bul oıynda «Ordabasynyń» №11 shabýylshysy Geıe Mansýr oıynnyń 85-shi mınýtynda ashqan esep kezdesýdiń sońyna deıin ózgerissiz qaldy. Syrt alańda 0:1 esebimen basym túsken shymkenttikter kelesi oıynyn 12 shildede Almatynyń Ortalyq stadıonynda ótkizedi. Eger bul saıysta da óz basymdyǵyn dáleldeı alsa, Eýropa lıgasynyń ekinshi kezeńinde Norvegııanyń Tronheım qalasynyń «Rýsenborga» men Soltústik Irlandııanyń Belfast qalasynyń «Krýzeıders» komandalarynyń arasyndaǵy oıynnyń jeńimpazymen kezdesedi.
