Shymkenttik energetıkter jaryqtyń jıi sónýiniń sebebin túsindirdi
Sala mamandarynyń sózinshe, «Samal» 110/10 kV elektr taratý qosalqy stantsııasynda bolǵan aqaý saldarynan órt shyqqan bolatyn. Apat saldarynan qaladaǵy 21 myń abonent («Nurtas», «Nursát», «Shymsıtı», «Nıýsıtı ADTs», «Soltústik-Batys», «Samal-3», «Asar» shaǵynaýdandary, Kókjaılaý TK, Tólemetov kóshesindegi kópqabatty úıler) elektr qýatynsyz qalǵan. Shaǵynaýdandardy qaıta elektr qýatyna qosý úshin atalǵan stantsııada ýaqytsha 10 kV taratý beketi ornatylyp, elektr qýaty berilgen.
Sondaı-aq, 28 naýryz kúni atalǵan taratý beketinde aqaý oryn alýyna baılanysty (kerneý transformatory isten shyqqan) elektr qýaty berilýi taǵy toqtaǵan. Sol sebepti, «Samal-3», «Asar» shaǵynaýdandary jáne Tólemetov kóshesi boıynda ornalasqan turǵyn úıler, shamamen 5 myńǵa jýyq abonent elektr qýatynsyz qaldy. Biraq «OńtústikJaryqTranzıt» JShS-i jáne «Qýatjylýortalyq-3» MKK-niń apatty joıý brıgadasymen qalpyna keltirip, qazirgi ýaqytta elektr qýaty berildi.
«Samal» 110/10 kV elektr taratý qosalqy stantsııanyn tolyq qalpyna keltirýge shamamen 1 aı ýaqyt qajet etetinin habarlaımyz. Sondaı-aq, Shymkent qalasy aýmaǵyndaǵy keıbir eldi mekenderindegi elektr taratý beketi belgisiz tulǵalar tarapynan tonalyp, ishindegi keıbir jabdyqtary urlanǵan. Birneshe ret oryn alǵan máseleni toqtatý maqsatynda Shymkent qalasy energetıka jáne kommýnaldyq sharýashylyq basqarmasynyń uıymdastyrýymen «QýatJylýOrtalyq-3» MKK jáne «Ońtústik Jaryq Tranzıt» JShS tarapynan arnaıy kezekshilik uıymdastyryldy. Degenmen, elektr taratý beketteriniń tonalýy tyıylmaǵan. Alaıda polıtsııa qyzmetkerleriniń kómegimen kúdiktiler ustaldy. Qazirgi tańda tergeý amaldary júrgizilip jatyr»,- deıdi sala mamandary.