Shymkenttik depýtattar qalalyqtardy tórtinshi aýdandy ataýǵa úles qosýǵa shaqyrady
ASTANA. QazAqparat - Shymkent qalasynyń depýtattary qalalyqtardy pikir almasýǵa shaqyrady. Mundaǵy talqyǵa túser taqyryp - qala aýmaǵynda qurylatyn jańa aýdannyń ataýy bolyp otyr.
Eske salsaq, OQO máslıhatynyń sońǵy sessııasynda oblys basshysy Asqar Myrzahmetov Shymkentte jańa aýdannyń ashylýy múmkin ekenin aıtqan bolatyn. Onyń ataýyn talqylaýǵa baılanysty qoǵamdyq tyńdaý búgin 29 tamyz kúni saǵat 11:00-de qalalyq balalar men jasóspirimder ortalyǵynyń konferents-zalynda ótedi. Óz pikirińizdi aıtyp, usynystardy qoldap, qorǵaýǵa múmkindigińiz bar. Ázirge jańa aýdanǵa berilýi múmkin ataýlardyń arasynda «Astana» jáne «Saıram» basymdyqqa ıe. Endeshe, siz de óz nusqańyzdy usynyńyz, dep habarlanǵan OQO ákimdiginiń resmı saıtynda.
