Shymkenttik dárigerler júkti áıeldiń ishinen bir ýys qurt alyp shyqty

ShYMKENT. QazAqparat – Shymkentte dárigerler júkti áıel men ishindegi sharanasyn saqtap qalý úshin kúrdeli ota jasady. Qalalyq №1 klınıkalyq aýrýhana bazasynda ótken ota kezinde mamandar táýekelge barǵandaryn jasyrmaıdy, dep habarlaıdy QazAqparat tilshisi.

Qalalyq densaýlyq saqtaý basqarmasynyń málimetinshe, kúrdeli ota klınıkalyq aýrýhananyń hırýrgi Sábıt Baıtemirovtyń jetekshiligimen jasalǵan. Hırýrgter 28 aptalyq júktiliktegi áıeldiń ishinen bir ýys qurtty alyp tastady. Kúrdeli ota úsh saǵattan astam ýaqytqa sozylǵan. Mamandardyń aıtýynsha, sharanamen birge paıda bolǵan ishtegi qurt baýyrdyń janyna bitken. Onyń jarylyp ketý qaýpi joǵary bolǵan. Biraq sátti jasalǵan operatsııanyń arqasynda qaýiptiń aldy alynyp, ana men bala aman qaldy.

Aıta keteıik, ishinde ehınokokk kıstasy bar júkti kelinshekke Almaty qalasyndaǵy A. N. Syzǵanov atyndaǵy Ulttyq ǵylymı hırýrgııalyq ortalyqta kúrdeli ota jasaý qajet bolǵan. Alaıda elimizde engizilgen tótenshe jaǵdaı rejımine baılanysty jas ana Shymkentte qalyp qoıdy. Dárigerler qazir patsıenttiń jaǵdaıy qanaǵattanarlyq jáne júktiligi asqynýsyz ótýde dep otyr.