Shymkenttik dárigerler tynys alýy toqtaǵan sábıdi aman alyp qaldy

ShYMKENT. QazAqparat – Shymkenttik dárigerler týǵanyna 26 bolǵan náresteniń ómirin aman alyp qaldy, dep habarlaıdy QazAqparat tilshisi.

Qalalyq densaýlyq saqtaý basqarmasynyń habarlaýynsha, oqıǵa 27 qazan kúni bolǵan.

Sábıdiń anasy askók sorpasyn bergen kezde, suıyqtyqty ishe almaǵan náreste birden shashalyp qalǵan. Sodan bet aýzy kógere bastapty.

«Perzentiniń aýyr jaǵdaıyn kórgen anasy birden 103-ge habarlasyp, kómek suraǵan. Oqıǵa ornyna jetken jedel járdem brıgadasy sábıdiń tynys almaı jatqanyn kóredi. Tipti onyń tiri ekenin dáleldeıtin belgileri baıqalmaǵan. Osydan keıin dárigerler birden reanımatsııalyq sharalardy jasaýǵa kirisip, balanyń ókpesin sýdan tazartqan. Jasandy tynys aldyrý áreketin jasap, arada 3 mınýt ótkennen keıin sábıdiń júrek soǵysy paıda bolǵan. Artynsha tynys alýy qalpyna keldi», - delingen habarlamada.

Dárigerlerdiń sózinshe, qazirgi kezde bir aılyq sábıdiń jaǵdaıy jaqsy.