Shymkenttik dárigerler sirke qyshqylyn iship qoıǵan sábıdi aman alyp qaldy

ShYMKENT. QazAqparat - Shymkenttik dárigerler sirke qyshqylyn iship qoıǵan sábıdi aman alyp qaldy, dep habarlaıdy QazAqparat tilshisi.

Oqıǵa 11 shilde kúni bolǵan. Jedel járdem qyzmetimen ýly suıyqtyq iship qoıǵan 2 jasar bala aýyr halde T. Orynbaev atyndaǵy gıperbarııalyq oksıgenatsııa ortalyǵyna jetkizilgen.

Ata-anasynyń aıtýynsha, úlkenderdiń qaraýynsyz qalǵan sábı úı aýlasynda oınap júrip, abaısyzda sirke qyshqylyn iship qoıǵan.

«Aýyr halde aýrýhanaǵa jetkizilgen balanyń aýyz qýysy tolyqtaı kúıip qalǵandyqtan, jasandy tynys alý apparatyna qosyldy. Dárigerler búldirshinge shuǵyl kómek kórsetip, sábıdiń ómirin saqtap qaldy. Qazirgi ýaqytta onyń jaǵdaıy qanaǵattanarlyq. Bala qazirgi ýaqytta ózdiginen tamaqtana alady» - delingen Shymkent qalasy densaýlyq saqtaý basqarmasynyń baspasóz qyzmeti taratqan aqparatta.