Shymkenttik dárigerler ózbekstandyq áriptesterimen tájirıbe almasady

ShYMKENT. QazAqparat – Shymkenttik dárigerler ózbekstandyq áriptesterimen tájirıbe almasýǵa ýaǵdalasty. Qalanyń Densaýlyq saqtaý basqarmasy basshysy Ashan Baıdývalıev pen Samarqand oblysynyń Densaýlyq saqtaý basqarmasynyń basshysy Davranbek Jýmanııazov eki jaqty memmorandýmǵa qol qoıdy, dep habarlaıdy QazAqparat tilshisi.

Atalǵan qujatqa sáıkes, Qazaqstan men Ózbekstannyń Densaýlyq saqtaý júıeleri arasyndaǵy yntymaqtastyq kúsheıip, medıtsınalyq uıymdar arasyndaǵy ózara is-qımyl jasalady. Eki eldiń azamattaryna medıtsınalyq kómek kórsetýdiń qoljetimdiligi men sapasyn qamtamasyz etý jaqsarady. Eń bastysy, megapolıs dárigerleri biliktilikterin arttyryp, tájirbıe almasatyn bolady.

Aıta keteıik, memorandým Qazaqstannyń Ózbekstandaǵy medıtsına kúnderi aıasynda túzildi . Aýqymdy shara aıasynda sondaı-aq, sheteldik medıtsınalyq uıymdar men joǵary oqý oryndary arasynda kelisim jasaldy. Kórshi eldegi Qazaqstannyń medıtsınasy kúnderi eki kúnge jalǵasady dep kútilýde. Tashkent qalasynda ótip jatqan aýqymdy sharaǵa Shymkent qalasynan densaýlyq saqtaý basqarmasynyń basshysy A. Baıdývalıev bastaǵan bir top delegat qatysýda.