Shymkenttik dárigerler aıyqpas dertke shaldyqqan balalarǵa qýanysh syılady

ShYMKENT. QazAqparat - Shymkenttik dárigerler aıyqpas dertke shaldyqqan balalarǵa qýanysh syılady. Qalalyq Densaýlyq saqtaý basqarmasynyń basshysy Ashan Baıdývalıev bastaǵan bir top medıtsına qyzmetkerleri em qabyldap jatqan jetkinshekterdiń kóńilin aýlap, syılyqtar úlestirdi, dep habarlaıdy QazAqparat tilshisi.

Saltanatty sharada ártúrli ertegi keıipkerleri balalarǵa arnap qoıylym kórsetti. Táttiler taratylyp, naýqas balalardyń júzderine qýanysh uıalady. Bul kúni aq halattylar sondaı-aq, mamandandyrylǵan bóbekter úıine de bardy. Arnaıy mekemede shildehana toıy uıymdastyrylyp, Densaýlyq saqtaý basqarmasynyń basshysy ata- anasynyń qaraýynsyz qalǵan bóbekterdiń tusaýyn kesti.

Dárigerler budan bólek №2 jáne «Meıirim» balalardy ońaltý ortalyqtarynda emdelip jatqan balǵyndarǵa da merekelik kóńil kúı syılady. Medıtsına mamandarynan túrli syılyqtar alǵan búldirshinder olarǵa kontserttik baǵdarlama qoıyp, óz ónerlerin kórsetti.

Dál osyndaı mereke qarsańyndaǵy shara qaladaǵy «Ana men balany emdeý» ortalyǵynda da ótti. Onda bir top emhanalar men aýrýhanalardyń bas dárigerleri VICh-ke shaldyqqan balalardy quttyqtap, oıynshyqtar men táttilerdi tartý etti.