Shymkenttik dárigerler 4 jasar qyzdyń júregine tiliksiz ota jasady
Shymkent qalalyq balalar klınıkalyq aýrýhanasynyń dárigerlerleri alǵash ret júrek aqaýyna shaldyqqan naýqas balaǵa kúrdeli ota jasady. Bilikti mamandar angıograf apparatyn qoldana otyryp, júrekke tiliksiz operatsııa jasaǵan.
Týmysynan aýyr dertke shaldyqqan 4 jasar qyz balasy qalalyq balalar klınıkalyq aýrýhanasyna jetkizilgen. Aýyr jaǵdaıda túsken naýqasta entikpe-kógerý, dem jetispeýshiligininiń jıiligi syndy shaǵymdar bolǵan. Patsıenttiń jaǵdaıy boıynsha dárigerler konsılıým jasap, jedel túrde ınterventsııalyq kardıologııa, angıohırýrgııa bólimshesine jatqyzady. Dıagnostıkalyq zertteýler barysynda týa bitti paıda bolǵan aqaý júrekten shyǵatyn magıstraldy tamyr – ókpe arterııasy qaqpaqshasynyń tarylýynan týyndaǵany anyqtaldy.
Balaqaıdyń ómirin aman alyp qalý úshin dárigerler ınterventsııalyq endovaskýlıarly ádispen translıýmmınaldy ballondy valvýloplastıka ota jasady.
Dárigerler operatsııanyń sátti ótkenin málimdedi. Otadan keıin naýqas bala bólimshege aýystyrylǵan. Qazirgi jaǵdaıy jaqsy.
«Bul aqaý týa bitti paıda bolady, eger ota jasamasa, entikpe-kógerý belgileri kúsheıip, bala shetinep ketýi múmkin. Operatsııa kezinde júrek qaqpaqshasyn jabyq túrde keńeıttik. ıAǵnı, ballondy valvýloplastıka jasadyq. Operatsııa sátti ótti. 23-naýryz kúni patsıentti úıine shyǵardyq», – deıdi kardıologııa, angıohırýrgııa bólimshesiniń meńgerýshisi Oljas Shyntasov.
