Shymkenttik dárigerler 4 aılyq sábıge kúrdeli ota jasap, kókiregindegi jaryqty alyp tastady
Shymkent qalalyq balalar klınıkalyq aýrýhanasyna 4 aılyq búldirshin medıtsınalyq jedel járdem qyzmetimen kelgen. Aýrýhananyń qabyldaý bólimine túskende ata-anasy jóteldiń kúsheıip, entigý, jalpy álsizdik bar ekenin aıtyp, shaǵymdanǵan. Patsıenttiń keýde qýysyn rentgen arqyly tekserý kezinde dárigerler onyń oń jaq kókiregindegi jaryqty anyqtaǵan. Alǵashqy qoıylǵan dıagnoz boıynsha sábıge ashyq túrde kúrdeli operatsııa jasaldy.
«Ota barysynda ókpe tusyna qaraı ótken ishek bóligin hırýrgııalyq ádispen ish qýysyna túsirip, kókirek tusyndaǵy jaryq tigildi. Operatsııa 1,5 saǵatqa sozyldy. Otadan keıin balaqaı bir kún jansaqtaý bóliminde baqylaýda bolyp, kelesi kúni palataǵa aýystyryldy», - dedi dáriger-hırýrg Qaırat Іzbasov.
Bilikti hırýrg Qaırat Ilıasulynyń aıtýynsha, sábıdiń kókirek tusyndaǵy jaryqtyń kólemi 1,5 sm. Jaryq týa bitken jáne bala anasynyń qursaǵynda jatqanda paıda bolǵan degen boljam bar. ıAǵnı, dárigerler bul ózdiginen paıda bola bermeıtin, sırek qubylys ekenin alǵa tartyp otyr.
Búginde kishkentaı naýqastyń jaǵdaıy qalypty. Sábı anasymen birge úıine jiberildi. Dárigerler aldaǵy ýaqytta qosymsha ota jasaýǵa qajettilik joq ekenin aıtyp otyr.