Shymkenttik dárigerler 10 jasar balanyń mıynan bir ýys qurt aldy
Shymkent qalalyq klınıkalyq balalar aýrýhanasynyń dárigerleri 10 jastaǵy balaǵa ota jasap, mıyndaǵy ehınakokk kıstasyn hırýrgııalyq jolmen alyp tastady.
Eki saǵatqa sozylǵan operatsııadan keıin naýqas eki táýlik boıy reanımatsııada jatqan.
Keıin palataǵa aýystyrylyp, em-dom jasaldy. Al, bir aptadan soń úıine shyǵarylǵan.
«Sáýir aıynda bas aýrýyna shaǵymdanǵan 10 jasar bala qalalyq balalar klınıkalyq aýrýhanasyna kelgen. Josparly túrde balaǵa ota jasalyp, qurt tárizdi ehınakokk kıstasy alyndy. Qazir jergilikti emhanadaǵy dárigerlerdiń baqylaýynda. Jaǵdaıy jaqsy. Mıdaǵy ehınakokk qurty - sırek kezdesetin jaǵdaı. Kóbine mundaı qurt tárizdes kısta baýyr men ókpede kezdesedi», - deıdi Shymkent qalalyq klınıkalyq balalar aýrýhanasynyń dáriger-neırohırýrgi Samat Kókshıkbaev.
