Shymkenttik boıjetkendi óltirgen taksı júrgizýshisi sottaldy
ShYMKENT. QazAqparat - Shymkentte 2 apta boıy joǵaldy dep sanalǵan stýdent qyzdy aıaýsyz óltirgen qylmyskerge jaza taǵaıyndaldy.
Búgin qylmystyq is boıynsha mamandandyrylǵan aýdanaralyq sot úkim shyǵardy. Іsti qaraý shamamen eki aıǵa deıin sozyldy. Jaýapqa tartylǵan 25 jastaǵy Álisher Arǵymbaev QR QK-niń 99-baby jáne 188-baby boıynsha aıypty dep tanyldy. Er adam qatań rejım kolonııasynda 16 jylyn ótkizedi.
Sot aıypkerdiń 10 mamyr kúni stýdent qyzdy aıaýsyz óltirgenin anyqtady. 17 jastaǵy Áıgerim Ospanbekova Jańaturmys aýylynyń týmasy, Shymkent qalasyndaǵy ýnıversıtet stýdenti. Áıgerim aýylynan qalaǵa jetý úshin Álisherdiń kóligin toqtatqan. Er adam buraýyshpen qyzdy 8 jerinen jaraqattaǵan, uıaly telefony men 8,5 myń teńgesin alǵan. Qyzdyń denesin júksalǵyshqa salyp, Baǵys aýylyna aparǵan jáne joldyń jıegine kómip tastaǵan.
Áıgerimniń týystary berilgen jazany jeńil dep otyr, ázirge olar qarsy shaǵym túsire me, joq pa belgisiz. Qorǵaýshy tarap ta sot sheshimine qarsy shyǵýy múmkin. Sottalýshynyń anasy ulynyń kinásiz ekenin, polıtsııanyń jala jaýyp otyrǵanyn, naǵyz qylmyskerdiń áli tabylmaǵanyn aıtýda.
