Shymkenttik belgili sýretshi Almas Halyqov Elbasynan Alǵys hat aldy
Shymkenttik qylqalam sheberine Elbasynyń atynan kelgen Alǵys hatty tabystady, dep habarlaıdy QazAqparat tilshisi.
Sýretshi Almas Halyqov «1 jeltoqsan Tuńǵysh Prezıdent kúni» qarsańynda Elbasy Nursultan Nazarbaevqa «Jan anam» týyndysyn joldaǵan bolatyn. Óner ıesiniń haty men syılyǵyn qabyl alǵan Elbasy óner ıesine alǵysyn bildirip, ystyq lebizin jetkizdi.
Atalǵan kartınada qylqalam sheberi Nursultan Nazarbaev pen anasy beınelengen bolatyn. Ol týyndyny arnaıy maıly boıaý tehnıkasymen eki aı kóleminde salǵan. Kezdesý barysynda taraptar «Bolashaqqa baǵdar: rýhanı jańǵyrý» baǵdarlamalyq maqalasynyń aıasynda júzege asyrylyp jatqan jumystar týraly áńgimeledi. Sonymen qatar, shahar basshysy sýretshini «Shymkent - qaıyrymdy qala» men keler jyly ótetin TMD elderiniń mádenı astanasy taqyryptarynda eńbektenýge shaqyrdy. Bul kúni shahar basshysy sýretshiniń jeke kórmesine de arnaıy qatysty.
Jalpy sany 70-ten astam kartına qoıylǵan kórmede qoıylǵan týyndylar túrli janrda salynǵan. Kórmedegi jumystarmen tanysqan Erlan Aıtahanov el men jerdiń kórkin qylqalammen aq qaǵaz betine túsire bilgen óner ıeleriniń «Rýhanı jańǵyrý» baǵdarlamalyq maqalasyna qosyp otyrǵan úlesi mol ekenin jetkizdi.
«Tabıǵattyń tartý etken sulýlyǵyn boıaýmen árlegen óner ıeleriniń týyndylary «Qazaqstannyń qasıetti jerleriniń geografııasy» baǵytynyń aıasynda atqarylyp jatqan jumystardyń nasıhaty retinde qaraýǵa bolady. Bul kıeli jerge degen týrısterdiń nazaryn aýdarýǵa úles qosary anyq. Biz qaıyrymdy qala turǵyndary ár jádigerimizdi, óner týyndylaryn dáriptep, saqtaı bilýimiz qajet»,- dedi Erlan Aıtahanov.
Aıta keteıik, qaladaǵy «Beıneleý óneri» murajaıynda uıymdastyrylǵan kórme eki kúnge sozylady.
