Shymkenttik balalar sporttyń 71 túri boıynsha tegin jattyǵady
Balalardyń sporttyq áleýetin arttyrý maqsatynda sport úıirmelerin júrgizýge memlekettik tapsyrys berilýde. Osy tapsyrys aıasynda kásipkerler sporttyń 71 túri boıynsha qarjylandyrylyp, 4-18 jasqa deıingi balalar ózderiniń tańdaýy boıynsha sport sektsııalarynda tegin jattyǵa alady.
«Kásipkerlerdiń basym bóligi fýtbol, júzý, taekvondo, karate, basketbol jáne boks sport túrlerine usynys bergen. 2022 jyly memlekettik tapsyrysty iske asyrýǵa jergilikti bıýdjetten 2,3 mlrd teńge qaralyp, 14 myń balany tegin sporttyq sektsııamen qamtý josparlanyp otyr. Jalpy jan basyna qarjylandyrý – sport ınfraqurylymyn damytýǵa, salaýatty ómir saltyn belsendi nasıhattaýǵa jáne jańa jumys oryndaryn qurýǵa múmkindik beredi», -deıdi qalalyq deneshynyqtyrý jáne sport basqarmasynyń basshysy Baýyrjan Tumanbaev.
Qazirgi tańda memlekettik sport tapsyrysyna 922 kásipkerden ótinim túsip, biliktilik irikteýinen soń 85 kásipkerge oń sheshim berilgen.