Shymkenttik azamat latyn álipbıine ótýdiń ońaı jolyn oılap tapty
ASTANA. QazAqparat - Ońtústik Qazaqstan oblysy ákimdigi uıymdastyrǵan «Hakaton» hakerlik marafonynyń jeńimpazdary anyqtaldy. Shymkenttik ónertapqysh Qýanysh Rysqulov latyn qaripine kóshý kezinde kezdesetin qıyndyqty jeńetin ádisin usynyp, 1 mln teńgeni qanjyǵasyna baılady, dep habarlaıdy oblys ákiminiń baspasóz qyzmeti.
Esterińizge sala keteıik, ІT mamandary arasynda ótken konkýrs oblys ákimdiginiń uıymdastyrýymen osydan bir aı buryn jarııalanǵan bolatyn. «Hakaton» marafony Elbasy saıasatyn qoldaý maqsatynda qolǵa alynǵan joba.
Sharaǵa stýdentter, oqýshylar, jas ónertapqyshtarmen túrli deńgeıli ІT mamandardan quralǵan 50 adam qatysqan. Olardyń ishinen 8 ІT mamannyń jobasy úzdik dep tanylǵan.
Qýanysh Tursynqululynyń aqparattyq tehnologııalar salasynda 8 jyldan beri eńbek etip keledi. Ol buǵan deıin birneshe kompıýterlik baǵdarlamalar ázirlep, Almaty, Astana qalalaryndaǵy ótken respýblıkalyq dodalarda top jarǵan. Baıqaý qazylary Qýanyshtyń jobasyn der kezinde ázirlegen qajetti baǵdarlama dep tanypty.
Aldaǵy ýaqytta krılıtsıany latyn qaripine lezde aýystyratyn baǵdarlamaǵa qarjy bólip, keń kólemde qoldanysqa engizý josparlanyp jatyr. Uıymdastyrýshylar mundaı jobanyń aldaǵy ýaqytta jalǵasyn tabatynyn aıtady.
