Shymkenttik áıel turǵyndarǵa 42500 teńge alýǵa kómektesemin dep habarlama taratqan

ShYMKENT. QazAqparat – Shymkenttik áıel turǵyndarǵa 42500 teńge alýǵa kómektesemin dep habarlama taratqan. Bul qyzmetin ol árbir adamǵa myń teńgeden baǵalaǵan, dep habarlaıdy QazAqparat tilshisi.

Qalalyq Polıtsııa departamenti baspasóz qyzmetiniń málimetinshe, 1 sáýir kúni WhatsApp mesendjeri arqyly «áleýmettik tólem alýǵa kómektesemin» degen habarlama taraǵan. Onda azamattardan JSN, JK ataýy, elektrondy kiltteri men turǵylyqty mekenjaıy, bank kartalarynyń nómiri qajet ekeni aıtylǵan.

«Atalǵan jaıt boıynsha, Qylmystyq kodekstiń 190-baby («Alaıaqtyq») boıynsha is qozǵalyp, tirkeýge alyndy. Tártip saqshylary tarapynan jedel izdestirý sharalary júrgizilip, osy qylmysqa qatysy bar degen 27 jastaǵy áıel polıtsııa bólimshesine jetkizildi. Qazirgi tańda Polıtsııa departamenti tarapynan sotqa deıingi tergeý amaldary júrgizilip, onyń qorytyndysy boıynsha protsesýaldyq sheshim qabyldanady» delingen habarlamada.