Shymkenttik anımatorlardyń «Qanatty barys týraly ańyz» atty ertegisi sheteldik týyndylarmen básekelese alady

Anımatorlar bul dúnıeni tolyq aıaqtap shyǵý úshin jeti jyl jumsady. Osy ýaqyt aralyǵynda qarjy tapshylyǵynan 45 mınýttyq anımatsııalyq fılmniń stsenarııi birneshe ret ózgergen. Álemdi zulymdyqtan qutqaratyn erteginiń bas keıipkeri Saýran batyr men onyń aıyrylmas dosy qanatty barys qana ózgermepti.

- Qazaqstanymyzdyń Táýelsizdiginiń belgisi - Altyn adam men Qanatty barys. Ony qalaı nasıhattaımyz. Osy maqsatta biz ózimiz jańadan ertegi jazyp, stsenarıı jazyp osy dúnıemizdi alyp shyqtyq. Saýran - ol qazirgi bizdiń altyn adamymyzdyń prototıpi, deıdi  stsenarıı avtory Kerimbek Nııazbaı.

Klassıkalyq ádispen jasalǵan mýltfılm balalardyń boıyna otanynyń patrıoty bolýdy jaqyn dostaryn syılap, úlkendi qurmetteýdi úıretedi.

Qazirgi tańda qazaqı dástúrimizdi dáripteıtin osyndaı otandyq týyndylarymyz saýsaqpen sanarlyqtaı. Esesine mán-maǵynasy joq sheteldik mýltfılmder qaptaǵan. Óz kúshterimen osynshama qundy dúnıe jasap shyqqan týyndy avtorlary Saýran batyr men ony qoldaýshy qanatty barystyń basynan keshkenderi týraly erteginiń bolashaqta ult maqtanyshyna aınalatynyna da senimdi.

Qyrýar qarjy jumsalǵan dúnıege qazirdiń ózinde kóptegen jergilikti telearnalardan suranystar túsken. Degenmen, «óz-ózin aqtaý úshin memlekettik qoldaý kerek»,-deıdi joba avtorlary. Sonda ǵana otandyq anımatsııa aıaǵynan turady. Keleshekte «Qanatty barys týraly ańyz» ertegisin kitap retinde basyp shyǵarý da oılarynda bar, dep habarlaıdy 24 KZ.