Shymkenttik aq halattylar elimizdiń úzdik dárigerleri qatarynan kórindi

ShYMKENT. QazAqparat – Áleýmettik medıtsınalyq saqtandyrý qory uıymdastyrǵan «MÁMS: Qazaqstan medıtsınasynyń transformatsııasy» atty forýmda jalpy tájirıbe dárigerleri arasynda ótken baıqaýda shymkenttik dárigerler «Eń úzdik otbasylyq dáriger men onyń komandasy» nomınatsııasymen marapattaldy. №9 qalalyq emhananyń jalpy tájirıbe dárigeri Jumagúl Isabaeva respýblıkalyq baıqaýdyń jeńimpazy atandy, dep habarlaıdy QazAqparat tilshisi.

Aıta keteıik, úzdik dáriger atanǵan mamannyń jumys ótili - 8 jyl, І sanattaǵy dáriger. Jumys barysynda jaqsy kórsetkisherge jetip, turǵylyqty turǵyndar arasynda jáne ujymda úlken bedelge ıe, bilikti maman sanalady.

Sondaı-aq, osy baıqaýdyń qorytyndysy boıynsha «Bizdiń eń úzdik otbasylyq dárigeri jáne onyń komandasy» nomınatsııasy boıynsha №8 Shymkent qalalyq emhanasynyń qyzmetkerleri Saltanat Bulanbaıqyzy, medbıke Aınur Rash, Madına Kenjebaeva, Uljalǵas Tólepbergenova, akýsher Gýldana Naımanbaı, psıholog Sevara Mamyrova jáne áleýmettik qyzmetker Nazgúl Bımenova marapattaldy.

Eske salaıyq, Qazaqstanda myńdaǵan otbasylyq dáriger kún saıyn kúrdeli jáne jaýapty jumysty atqaryp júr. Osyndaı bir dárigerdiń jumys júktemesinde otbasyndaǵy áje, ata, baýyr, áke, ana syndy 1500-den asa patsıent bar.