Shymkenttik 675 otbasy baspanaly boldy
Nursát shaǵynaýdanyndaǵy 35 páterli qyzmettik úı men Turan shaǵynaýdanyndaǵy bes qabatty 16 úıdiń páter kiltterin oblys ákimi Janseıit Túımebaev saltanatty túrde tabystady.
Qonys ıelerin quttyqtaǵan aımaq basshysy halyqty baspanamen qamtamasyz etý maqsatynda qalada sońǵy jyldary turǵyn úı salý jumysy qarqyn alǵanyn aıtty.
Ákimshilik-iskerlik ortalyǵynda ornalasqan 35 páterli qyzmettik úıdi baspana kezeginde turǵan - mádenıet salasy, áskerıler men memlekettik jáne bıýdjettik qyzmetkerler aldy.
Al, Turan shaǵynaýdanyndaǵy 640 páterli kópqabatty turǵyn úı «Nurly jer» baǵdarlamasy aıasynda «Báıterek Development» AQ-nyń esebinen salynǵan. Mundaǵy 339 páter jergilikti atqarýshy organdarda baspana kezeginde turǵandar arasynda bólindi.
Ońtústik Qazaqstanda 2017 jyly 263 úıdiń qurylys júrgizilip, jyl sońyna deıin 116 úıdiń qurylysy aıaqtalady. Osynyń nátıjesinde jyl sońynda 6000 otbasy baspanaly bolady.
