Shymkenttik 42 jastaǵy turǵyn óz úıinde janyp kete jazdady

ShYMKENT. QazAqparat – Shymkenttik 42 jastaǵy turǵyn óz úıinde janyp kete jazdady, dep habarlaıdy QazAqparat tilshisi.

Oqıǵa Qarataý aýdanyndaǵy «Nursát» shaǵyn aýdanynda ornalasqan kópqabatty turǵyn úılerdiń birinde bolǵan. Úshinshi qabattaǵy úsh bólmeli páterdiń jatyn bólmesindegi jıhaz jáne kórpe-tósek órtke oranǵan. Oqıǵa ornyna jedel jetken №5 órt sóndirý bóliminiń mamandary, tútinge ýlanyp qalǵan 1980 jylǵy er azamatty qutqaryp, qaýipsiz aımaqqa shyǵardy.

«Túngi saǵat 00:05-te «101» basqarý pýltine habar tústi. Órt saǵat 00:27-de oqshaýlanyp, saǵat 00:37-de tolyǵymen sóndirildi. Órt sóndirýshiler zardap shekken azamatqa qajetti kómek kórsetip, jedel járdem qyzmetkerlerine tapsyrdy», - delingen Shymkent qalasy qoǵammen baılanys toby taratqan aqparatta.