Shymkentten shyqqan tikushaq Kaspıı jaǵalaýynda órtengen qamysty sóndirýge kiristi

ATYRAÝ. QazAqparat - «Qazavıaqutqarý» AQ-nyń tikushaǵy búgin tańerteń Shymkent qalasynan ushyp shyǵyp, Atyraý oblysyna jetip Kaspıı jaǵalaýynda janyp jatqan qamysty sóndirýge kiristi, dep habarlaıdy QazAqparat TJK baspasóz qyzmetine silteme jasap.

Esterińizge sala keteıik, Atyraý qalasynan 30-40 shaqyrymda Kaspıı teńiziniń jaǵalaýynda qamys janyp jatyr. Qopanyń arasynda birneshe jerde órt shyqqan.

Qamys bıik ári arasy batpaq bolǵandyqtan ondaǵy órtti sóndirý qıyn bolyp tur. Osyǵan baılanysty arnaıy tehnıka órt oshaqtaryna jetýge almaıdy.

Qazir órt shyqqan tustar anyqtalyp jatyr. Odan eldi mekenderge qaýip tóngen joq.