Shymkentten shyqqan gollıvýdtyq rejısser Qazaqstanda kıno túsirýde
ShYMKENT. QazAqparat - Shymkentten shyqqan gollıvýdtyq rejısser Erken ıAlgashev týǵan jerine kelip, kıno túsirýde. Onyń sózinshe «Krasavchık» atty krımınaldy dramanyń túsirilimi bastalyp ketken, dep habarlaıdy QazAqparat tilshisi.
Rejısserdiń josparyna sáıkes, jańa týyndynyń basym bóligi Almaty qalasynda túsiriledi. Qalǵan 30 paıyzǵa jýyq túsirilimder Los-Andjeles pen Máskeý qalalarynda jalǵasady.
«Jańasha úlgide jaryq kóretin kartınada Almaty qalasyndaǵy tynys-tirshilik, ondaǵy kópshilik bile bermeıtin jaǵdaılar kórinis tabady. Arasynda mahabbat jelisi de bar. Jalpylama aıtqanda qalanyń shynaıy kórinisi kórsetiledi. Al, basty rólderdi otandyq akterlar somdaıdy. Ózge keıipkerlerdiń rólderin reseılik jáne batystyń kıno juldyzdary somdaıdy», - deıdi rejısser.
