Shymkentten Senat saılaýyna úsh kandıdat túsedi

ShYMKENT. QazAqparat – Parlament Senatynyń depýtattyǵyna kandıdat retinde Shymkentte úsh úmitker tirkelgen. Olar qalalyq máslıhat depýtattarynyń aldynda saılaýaldy baǵdarlamalaryn tanystyrdy, dep habarlaıdy QazAqparat tilshisi.

Olardyń biri – «Shymkent qalasy kásipodaqtar ortalyǵy» aýmaqtyq kásipodaqtar birlestiginiń tóraǵasy Álteev Baýyrjan Іlimsheuly ózin-ózi usynǵan. 1955 jyly Ońtústik Qazaqstan oblysynda dúnıege kelgen úmitkerdiń mamandyǵy – zańger, ınjener-mehanık.

Ekinshi kandıdat – Beknazarov Nurlan Qudııaruly 1964 jyly 12 maýsymda týǵan. Mamandyǵy – ınjener-qurylysshy, ınjener-ekonomıst, ekonomıst-qarjyger, zańger. 2018 jyldan bastap qazirgi ýaqytqa deıin Qazaqstan Respýblıkasy Parlamenti Senatynyń depýtaty.

Úshinshi úmitker – qalalyq máslıhattyń depýtaty Elshıeva Albına Balǵabaıqyzy. 1977 jyly Shymkent qalasynda dúnıege kelgen.

Jalpy, Shymkentten 6 azamat saılaýǵa qatysýǵa nıet bildirgen. Biraq, onyń úsheýi ortalyq saılaý komıssııasynyń qoıǵan talabyn oryndaı almaǵan. Úgit-nasıhat jumystary úshin ár kandıdatqa bıýdjetten 550 myń teńge bólingen.

«Qalǵan úsh úmitkerimizdi tirkeýden bas tarttyq. Óıtkeni, bizdegi talaptardyń biri – olar jarna tóleýi kerek. Eki úmitkerimiz sol jarnany tólemegeni úshin tirkelmese, taǵy bir úmitkerimiz tıisti qol jınaǵan joq», - dedi qalalyq saılaý komıssııasynyń tóraǵasy Qaıyrbek Qunanbaev.

Aıta keteıik, Qazaqstan Respýblıkasy Parlamenti Senatynyń saılaýy 14 qańtar kúni ótedi.