Shymkentten ótip bara jatqan tranzıttik kólik júrgizýshisinen koronavırýs anyqtaldy

ShYMKENT. QazAqparat – Shymkenttiń aýmaǵynan ótip bara jatqan tranzıttik kólik júrgizýshisinen koronavırýs anyqtaldy. Bul týraly qalalyq tótenshe jaǵdaı shtaby málimet taratty, dep habarlaıdy QazAqparat tilshisi.

«Naýqas 1964 jyly týǵan Túrkistan oblysy, Maqtaaral aýdanyna qarasty Atakent eldi mekeniniń turǵyny ekeni anyqtaldy. Ol 28 naýryz kúni Shymkent qalalyq juqpaly aýrýlar aýrýhanasyna jatqyzylǵan. Aýyr júk kóliginiń júrgizýshi «Máskeý-Almaty» baǵytynda jol júrip bara jatqanda ystyǵy kóterilip, dáriger kómegine júgingen. Nátıjesinde shuǵyl aýrýhanaǵa jetkizilgen. Al, tranzıttik kólikti ary qaraı aıdap ketken uly Almaty qalasynda oqshaýlanyp, statsıonarǵa jatqyzylǵan. Bul Shymkentte tirkelgen 13-jaǵdaı bolyp otyr» delingen habarlamada.