Shymkentten ótetin poıyzdardan bıletsiz jolaýshylar anyqtaldy

ShYMKENT. QazAqparat - «Shymkent - adaldyq alańy» jobasy aıasynda Shymkentten ótetin poıyzdarda jolaýshy tasymaldaý barysyna reıd júrgizildi. «Almaty - Saratov», «Túrkistan -Almaty», «Saryaǵash - Astana» jáne «Novosibir - Tashkent» sekildi tórt jolaýshylar poıyzy tekserildi, dep habarlaıdy QazAqparat tilshisi.

Sharaǵa «Shymkent - adaldyq alańy» jobalyq keńsesi men QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Shymkent qalasy boıynsha departamenti, sondaı-aq qalalyq kóliktik baqylaý ınspektsııasy mamandary jáne arnaıy monıtorıng tobynyń músheleri qatysty. Eki kúndik reıd kezinde «Novosibir - Tashkent» poıyzynyń Túlkibas-Arys ýchaskesinde 4 bıletsiz jolaýshy anyqtaldy. Al, «Túrkistan - Almaty» baǵytyndaǵy №072 poıyzda múgedekter arbasymen qozǵalatyn tulǵalardy otyrǵyzatyn jáne túsiretin kótergish qurylǵysy bar vagon bolmaı shyqty. Sonymen qatar, tósek-oryn tystarynyń qoldaný merzimi ótip ketken.

Reıd nátıjesi boıynsha Ákimshilik quqyq buzý kodeksiniń 623-baby, 4-bóligimen poıyz jolserigine qatysty ákimshilik hattama toltyryldy. Atalǵan zańbuzýshylyqtar úshin «Jolaýshylar tasymaly» AQ zańdy tulǵasy «ıÝjnyı» aımaqtyq fılıaly basshylyǵy QR ÁQBtK-niń 571-babynyń 4-bóligine sáıkes jaýapkershilikke tartylady.