Shymkentten Qaraǵandyǵa esirtki alyp bara jatqan júrgizýshi ustaldy
Jambyl oblysy Moıynqum aýdanynyń polıtsııa bólimshesiniń qyzmetkerleri Merki-Shý-Býrylbaıtal tas jolynyń 168-shaqyrymynda 22 jastaǵy júrgizýshiniń basqarýyndaǵy «BMV» avtokóligin toqtatty. Bul týraly oblystyq polıtsııa departamentiniń baspasóz qyzmeti habarlady.
«Tekserý barysynda «Ronı« esimdi qyzmettik ıt avtokóliktiń qaqpaǵynyń astynan aq krıstaldy untaq zaty bar polıetılen paketin tapty, ol SHE nátıjeleri boıynsha salmaǵy shamamen 1,5 kg psıhotroptyq esirtki zaty bolyp shyqty. Jaýap alý barysynda júrgizýshi «Telegramm« jelisi arqyly Shymkentten Qaraǵandyǵa 200 000 teńge kóleminde aqy tólegeni úshin júkti jetkizýge keliskenin moıyndady. Ol paketti Shymkent qalasynyń kósheleriniń birindegi tastyń astynan alǵanyn aıtty, biraq jolda ustaldy»,-delingen habarlamada.
Atalǵan derekke qatysty QR QK 297-baby 3-bóligi 3-tarmaǵy boıynsha qylmystyq is qozǵaldy. Ustalǵan azamat Shý APB ÝUI-ne qamaýǵa alyndy.