Shymkentten elorda men Almatyǵa qatynaıtyn avtobýstar toqtatyldy

ShYMKENT. QazAqparat – Shymkentten Nur-Sultan men Almaty qalalaryna qatynaıtyn qalaaralyq avtobýstar ýaqytsha toqtatyldy. Bul týraly qalalyq jolaýshylar kóligi jáne avtokólik joldary basqarmasy málimet taratty, dep habarlaıdy QazAqparat tilshisi.

«Álemde oryn alǵan koronavırýs ınfektsııasynyń elimizde taralýyna jol bermeý maqsatynda, respýblıkalyq mańyzy bar Almaty jáne Nur-Sultan qalalarynda karantın jarııalanyp, kirip-shyǵýǵa shekteý qoıylǵany belgili. Osyǵan oraı qaladaǵy «Bekjan», «Samal» avtovokzaldarynan jáne «Kóktem» avtostantsııasynan attanatyn oblysaralyq qalaaralyq «Shymkent-Almaty» jáne «Shymkent-Nur-Sultan» avtobýs baǵyttary 2020 jylǵy 18 naýryzdan bastap ýaqytsha toqtatylǵanyn habarlaımyz», - delingen habarlamada.