Shymkentten Astanaǵa bet alǵan ushaqtyń jolaýshysy kóz jumdy
ASTANA. QazAqparat - Dúısenbi kúni Shymkent-Astana baǵytyndaǵy reıske shyqqan «Eır Astana» AQ ushaǵynyń bir jolaýshysy qaıtys boldy, dep habarlaıdy «QazAqparat» HAA tilshisi kompanııanyń korporatıvtik kommýnıkatsııalar departamentine silteme jasap.
«Búgin Shymkent-Astana baǵytynda reıske shyqqan KS 352 ushaǵyndaǵy jolaýshylardyń biriniń densaýlyǵy kúrt nasharlaýyna baılanysty ushaq áýejaıǵa qaıtyp oraldy. Bortta áýe kompanııasynyń qyzmetkerleri tarapynan barlyq tıisti sharalar jasaldy», - dep málim etti kompanııanyń baspasóz qyzmeti.
Ushaq jerge qonysymen jedel járdem qyzmetkerleri naýqasty qarap, onyń qaıtys bolǵanyn anyqtady. Áýe kompanııasy qaıtys bolǵan azamattyń týystary men jaqyndarynyń qaıǵysyna ortaqtasyp, kóńil aıtady.
