Shymkenttegi zoobaqty 400 myńnan asa adam tamashalaǵan

ShYMKENT. QazAqparat – Shymkenttegi zoobaqty 400 myńnan asa adam tamashalaǵan. Bul týraly baspasóz máslıhatynda qalalyq Mádenıet, tilderdi damytý jáne arhıvter basqarmasy basshysynyń mindetin atqarýshy Ǵalııa Sharafıeva málimdedi, dep habarlaıdy QazAqparat tilshisi.

Ǵalııa Sharafıevanyń sózinshe shahardaǵy zoologııalyq saıabaǵyna kelýshiler qatary jyl sanap artyp keledi.

«Qazir Shymkent zoologııalyq saıabaǵynda 265 túrli 2516 janýar bar. Zoobaq aýmaǵynda terrarıým, kógershinder voleri, varandar men tasbaqalar, sýrıkattar, qustar, jyrtqysh qustar, japon makakalary, gepard voleriniń qurylysy júrip jatyr», - dedi Ǵalııa Sharafıeva.

Basqarmasy basshysynyń mindetin atqarýshy sondaı-aq, týrızm salasy jaıynda sóz qozǵady. Onyń aıtýynsha, Shymkent qalasynyń 2200 jyldyq mereıtoıy UNESCO kóleminde toılanǵaly jatyr.

«2020 jyly Shymkent qalasy TMD elderiniń mádenı astanasy bolyp belgilendi. Jyl kóleminde atqarylatyn aýqymdy 15 halyqaralyq, respýblıkalyq dárejedegi is-sharalardyń baǵdarlamasy daıyndaldy. UNESCO-nyń ataýly mereıtoılar kúntizbesine «2020 jyly Shymkent qalasynyń 2200 - jyldyq mereıtoıyn engizý týraly» usynys joldandy. Shymkent mádenı astana jyly TMD elderi men UNESCO kóleminde atalyp ótiletin bolady. Jýyrda Belarýs Respýblıkasynyń Brest qalasynda ótken «Mádenı astana» jylynyń saltanatty jabylý rásiminde Shymkent qalasy Estafetany resmı túrde qabyldap aldy», - dedi Ǵ. Sharafıeva.