Shymkenttegi jylyjaılardyń jalpy kólemi 183,5 gektarǵa jetti

NUR-SULTAN. QazAqparat – Shymkentte aǵymdaǵy jyly 14 ga jerge jylyjaı iske qosylǵan. Bul týraly respýblıkalyq BAQ ókilderine qala ákimi Erlan Aıtahanov málim etti, dep habarlaıdy QazAqparat tilshisi.

Shahar basshysynyń aıtýynsha, aǵymdaǵy jyly qaladaǵy jylyjaılardyń jalpy kólemi 183,5 ga quraǵan. Sondaı-aq, 145 ga jerge qarqyndy baý egilip, jalpy kólemi 708 ga jetken.

«Aýylsharýashylyq kásipkerlerin qoldaý maqsatynda 2,9 mlrd teńgege sýbsıdııalar berildi. Bul baǵytta aýyl sharýashylyǵy ónimderin tereń óńdeıtin «Agroındýstrıaldy aımaq» ashý jumystary bastaldy. Aýmaǵy 136 ga quraıdy. Atalǵan aımaqta quny 109 mlrd teńgeni quraıtyn 20 joba júzege asyryrylyp, 1 myńnan astam turaqty jumys oryndary ashý kózdelýde. Maýsymdyq kezde 3 myń jumys orny ashylady dep kútilýde»,- deıdi Erlan Aıtahanov.

Qala ákiminiń sózinshe, kelesi jyly quny 1,5 mlrd teńgeni quraıtyn aýmaǵy 152 ga jerge qarqyndy alma baǵy otyrǵyzylady. Jáne quny 7 mlrd teńgege 30 ga jerge óndiristik jylyjaı salynady dep josparlanyp otyr.