Shymkenttegi jylý ortalyǵy qaıta esepteý boıynsha turǵyndarǵa 26 mln-ǵa jýyq teńge qaıtarady
«Tabıǵı monopolııalar týraly zańnamasyna sáıkes, tabıǵı monopolııa sýbektileri syrttaǵy aýanyń naqty temperatýrasyn eskere otyryp, jylý energııasymen jabdyqtaý boıynsha rettelip kórsetiletin qyzmettiń qunyn tutynýshylarǵa tikeleı ne tutynýshynyń turǵan jerin anyqtaý múmkin bolmaǵan jaǵdaıda jylý energııasymen jabdyqtaý boıynsha rettelip kórsetiletin qyzmetke aqy tóleý kezinde tarıfti tómendetý arqyly qaıta esepteýdi júrgizý mindettelgen», delingen habarlamada.
QR UEM Tabıǵı monopolııalardy retteý komıtetiniń Shymkent qalasy boıynsha departamenti jylýmen qamtamasyz etýshi «Qýatjylýortalyq-3» kásipornymen birlesip, syrtqy naqty temperatýrany eskere otyryp, ótken jylytý maýsymyna turǵyndarǵa qarajatty qaıtarý boıynsha qaıta esepteý júrgizdi.
Shymkentte ortasha aılyq temperatýra parametri 1,4 gradýs bolsa, Gıdrometeorologııa ortalyǵynyń málimeti boıynsha 3,7 gradýs bolǵan. Osyǵan baılanysty, qoldanystaǵy zańnamaǵa sáıkes «Qýatjylýortalyq-3» MKK qaıta esepteý júrgizýge mindetti.
Jylýdy esepteý quraly joq jáne ortalyqtandyrylǵan jylýmen jabdyqtaý qyzmetin paıdalanýshy tutynýshylarǵa qaıtarylatyn soma 25,8 mln teńge nemese qalyptaǵy úılerge ár sharshy metri 9,93 teńge jáne tozyǵy jetken úılerge ár sharshy metri 12,2 teńgeden keledi.
