Shymkenttegi juqpaly aýrýlar aýrýhanasynyń tórt qyzmetkeri COVID-19 indetin juqtyrǵan
Qalalyq densaýlyq saqtaý basqarmasy basshysynyń orynbasary Aıgúl Bekbaýovanyń aıtýynsha, qaýipti indetti reanımatsııalyq bólimniń eki medbıkesi men bir tazalyq qyzmetkeri juqtyrǵany anyqtalǵan. Kúni keshe olardan alynǵan synamalar qaýipti indetke shaldyqqanyn rastaǵan.
«Qaýipti ınfektsııa 32 jáne 45 jastaǵy eki medbıke men 22 jastaǵy bir sanıtar qyzmetkerinen anyqtalǵan. Bul medıtsına qyzmetkerleriniń qazirgi densaýlyq jaǵdaılary qanaǵattanarlyq, shaǵymdary joq. Olar bizde koronavırýstan qaıtys bolǵan túrkistandyq úsh naýqasty emdeý kezinde jumys istegen»,- dedi Aıgúl Bekbaýova.
Búgin qalada taǵy úsh adamnan COVID-19 ınfektsııasynyń juqtyrǵany anyqtalǵan. Naýqastar 34 jastaǵy juqpaly aýrýlar aýrýhanasynyń sanıtary men 54 jáne 13 jastaǵy qala turǵyndary.
«Іndet juqtyrǵan qala turǵyndary aýrýhanaǵa jedel respıratorlyq ınfektsııasy dıagnozymen túsken. Úılerinde em qabyldaǵanymen aýrýlary asqynǵan. Koronavırýs juqtyrǵandarmen baılanysta bolmaǵan. Qazirgi tańda bul naýqastardyń qaıda, kimnen juqtyrǵany boıynsha epıdemıologııalyq taldaý júrgizilýde. Olarmen baılanysta bolǵan 31 adam karantınge jatqyzyldy», - dedi Aıgúl Bekbaýova.