Shymkenttegi joldardyń sapasyna baqylaý júrgizilip turady

ShYMKENT. QazAqparat – Shymkentte «Sapaly jol – Adaldyq alańy» jobasy aıasynda qalada memlekettik bıýdjet qarjysy esebinen salynyp jatqan joldardyń sapasyna baqylaý júrgizilýde.

Reıdtik shara QR Sybaılas jemqorlyqqa qarsy is-qımyl agenttiginiń Shymkent qalasy boıynsha departamenti, «Shymkent – adaldyq alańy» jobalyq keńsesi men «Ulttyq jol aktıvteri sapasy ortalyǵy» RMK qalalyq fılıalymen birlese uıymdastyrylýda, dep habarlaıdy QazAqparat tilshisi.

Reıdtik shara barysynda «Qorǵas-Almaty-Shymkent» avtomobıl jolynyń sapasyna jáne Badam ózeni arqyly ótetin kópirge monıtorıngtik baqylaý jumystary júrgizildi.

Sharaǵa arnaıy qatysqan Departament basshysynyń birinshi orynbasary T.Serikbaev, qalalyq jolaýshylar kóligi jáne avtomobıl joldary basqarmasy basshysynyń mindetin atqarýshy A.Turhanov, Ortalyq basshysy M.Dúısebekov, sala mamandary men BAQ ókilderi jol sapasymen tanysty.

Baqylaý jumystary barysynda jol qurylysynyń talaptary tekserilip, arnaıy apparatpen onyń quramy men standarty saralanyp, joldyń eni de nazardan tys qalmady.

Búgingi tańda joba aıasynda 10-ǵa jýyq reıd sharasy uıymdastyrylyp, 62 buzýshylyqtar anyqtalǵan, onyń 32-si qalpyna keltirilgen. Shymkenttik joldardyń sapasyna baqylaý júrgizý jumystary odan ári jalǵasyn tabatyn bolady dep josparlanyp otyr.