Shymkenttegi jol apatynan bir adam kóz jumyp, 3 bala zardap shekti

ShYMKENT. QazAqparat - Shymkenttegi kólik apatynan bir jolaýshy kóz jumyp, úsh jasóspirim aýrýhanaǵa jetkizildi, dep habarlaıdy QazAqparat tilshisi.

Jol-kólik oqıǵasy Báıdibek bı dańǵyly men A.Kósherov kóshesiniń qıylysynda bolǵan. «Toyota Camry» jáne «Audi S8» avtokólikteriniń soqtyǵysýynan bir jolaýshy oqıǵa ornynda kóz jumdy. Kámelet jasqa tolmaǵan 3 bala túrli dene jaraqattarymen qalalyq balalar aýrýhanasyna jetkizildi.

«Oqıǵa QR QK 345-babynyń 3-bóligi «kólik quralyn basqaratyn adamnyń abaısyzda adam ólimine ákep soqqan jol qozǵalysy erejelerin buzýy» boıynsha tirkeldi. Tıisti saraptamalar taǵaıyndaldy. Qazirgi ýaqytta sotqa deıingi tergeý júrgizilýde» - delingen Shymkent qalasy polıtsııa departamentiniń baspasóz qyzmeti taratqan habarlamada.