Shymkenttegi joǵary oqý ornynda esirtki prıtony anyqtaldy

NUR-SULTAN. QazAqparat – Shymkenttegi joǵary oqý ornynda esirtki prıtony anyqtaldy, dep habarlaıdy oblystyq PD baspasóz qyzmeti.

«Shymkent qalasynyń Polıtsııa departamenti Esirtki qylmysyna qarsy is-qımyl basqarmasynyń qyzmetkerleri jedel-izdestirý is-sharalaryn ótkizý barysynda qala ýnıversıtetteriniń biriniń sport zalynda esirtki zatyn tutyný úshin prıton uıymdastyrylǵanyn anyqtady» delingen habarlamada.

Málimetke saı, atalǵan jaıt boıynsha QR QK 302-baby 1-bóligimen «Esirtki, psıhotroptyq zattardy, sol tektesterdi tutyný úshin prıtondar uıymdastyrý nemese olardy ustaý, sol sııaqty osy maqsattar úshin úı-jaılar berý» sotqa deıingi tergep-tekserý júrgizilýde.

Qazirgi tańda istiń mán-jaıyn anyqtaýǵa baǵyttalǵan barlyq qajetti jedel-tergeý is-sharalary júrgizilýde.

Ózge aqparat QR QPK-niń 201-babyna saı tergeý múddesinde jarııalaýǵa jatpaıdy.