Shymkenttegi joǵary oqý ornynda adaldyq dúkeni ashyldy
Dúkenniń ashylýyna oraı uıymdastyrylǵan sharaǵa QR Sybaılas jemqorlyqqa qarsy is-qımyl agenttigi Shymkent qalasy boıynsha departamentiniń ókilderi men «Shymkent-Adaldyq alańy» jobalyq keńsesiniń jetekshisi Erasyl Tólebaev jáne ýnıversıtet oqytýshylary men bilim alýshy úzdik shákirtter qatysty. Jańadan ashylǵan adaldyq dúkeninde árbir taýardyń baǵasy jazylǵan. Al, ondaǵy zattardy satyp alýshy stýdentter men oqytýshylar aqshasyn arnaıy jáshikke salyp ketedi. Oqytýshylardyń aıtýynsha, mundaı ádis jastardy adaldyq qaǵıdatyna tárbıeleıdi. Ári árbir is-áreketin oılanyp, baǵamdap baryp jasaýǵa jol kórsetedi. Bilim ordasynda sondaı-aq, «Parasat» mektebi de jumys isteı bastady. Ol jastarǵa úsh túrli baǵytta tárıbe beredi. Onyń alǵashqysy sanaly urpaq, ekinshisi izgilik elshisi degen taqyrypty qamtıdy. Bul baǵytta óńirdegi sáýleli ǵumyr keshken, adaldyqty tý etken azamattarmen kezdesýler uıymdastarylmaq. Al, sońǵysy jemqorlyqtan ada qoǵam qurýdy kózdep otyr. Sonymen qatar jeń ushynan jalǵasqan sybaılas jemqorlyqtyń aldyn-alý maqsatynda qazir ýnıversıttettiń 16 jerine úlken led ekran ornatylǵan. Oqý semestiriniń sońyndaǵy árbir synaqty kez-kelgen adam osy ekrandar arqyly baqylaı alady.
«Mundaı jańashyldyq nátıjesiz emes. Oqý protsesiniń tazalyǵyna, jastardyń meılinshe sapaly bilim alýyna barlyq múmkindikti jasap otyrmyz. Jastarymyz áleýmettik monıtornıng jasap, búginde emtıhannyń tazalyǵy 86 paıyzdy kórsetip otyr. Men bul kórsetkishke senemin»,- deıdi ýnıversıtet rektory Darııa Qojamjarova.
