Shymkenttegi jeke klınıkada polıtseıdiń ólimi boıynsha tekserý sharalary júrgiziledi
Tekserý OQO boıynsha Qoǵamdyq densaýlyq saqtaý departamenti mamandary tarapynan júrgiziledi.
«25 qyrkúıek kúni jedel járdem qyzmetkerleri kelgenge deıin jekemenshik ortalyqtaǵy azamattyń qaıtys bolǵany anyqtalǵan. Jeke medıtsına ortalyǵyndaǵy qyzmetkerlerdiń aıtýynsha, ekpe salynǵannan keıin ol esinen tanyp qalǵan. Oqys jaǵdaıǵa baılanysty, tekserý jumystaryn júrgizý úshin Shymkent qalasynyń densaýlyq saqtaý basqarmasy OQO boıynsha Qoǵamdyq densaýlyq saqtaý departamentine hat joldandy» delingen habarlamada.
Eske salaıyq, Oblystyq ІІD qyzmetkeri áıelimen birge jeke klınıkaǵa qaralýǵa baryp, sol jerde kóz jumǵan edi. Marqumnyń týystary onyń ekpe salǵannan keıin qaıtys bolǵanyn aıtqan. Qazirgi tańda osy oqıǵaǵa qatysty Qylmystyq kodekstiń 317 baby «Medıtsına nemese farmatsevtıka jumyskeriniń kásiptik mindetterin tıisinshe oryndamaýy» boıynsha sotqa deıingi tergeý amaldary júrgizilýde.