Shymkenttegi jarylystan zardap shekken 20 jastaǵy jigit qaıtys boldy

ShYMKENT. QazAqparat - Shymkenttegi gaz saqtaý stansasynda jarylystan zardap shekken 20 jastaǵy jigit qaıtys boldy. Bul týraly T.Orynbaev atyndaǵy joǵary qysymdy oksıgenatsııa ortalyǵynyń mamandary málimdedi, dep habarlaıdy QazAqparat tilshisi.

Ortalyqtyń bas dárigeri Mádına Ermahanbetovanyń sózinshe, denesiniń 98 paıyzyn kúıik shalǵan naýqasqa barlyq em-dom jasalǵanymen, aman alyp alyp qalý múmkin bolmaǵan.

«Zardap shekken azamat 18:10-de qaıtys boldy. Jalynnan jigittiń betin, moınyn, qoldarynyń joǵarǵy jáne tómengi jaqtaryn 3-shi jáne 4-shi dárejeli termııalyq kúıik shalǵan. Ol jasandy tynys alý apparatynda jatty. Jaraqaty aýyr bolatyn. Barlyq qajetti kómek tolyq kólemde qamtamasyz etilgenimen, ómirin saqtap qalý múmkin bolmady», - dedi Mádına Ermahanbetova.

Eske salaıyq, Shymkenttiń irgesindegi eldimekende gaz saqtaý stantsııasynda jarylys bolyp, bir jumysshy zardap shekken bolatyn. Dárigerler onyń jaǵdaıyn óte aýyr dep baǵalap, jansaqtaý bólimine jatqyzǵan. Osy oqıǵaǵa qatysty polıtsııa qyzmetkerleri qylmystyq is qozǵap, sotqa deıingi tergeý amaldaryn júrgizýde.