Shymkenttegi janarmaı quıý beketi rezervýaryna jaı túsken

ASTANA. QazAqparat - Shymkentte qaladaǵy janarmaı quıý beketteriniń birinde 11 tonna dızeldik otyn saqtalǵan jerasty rezervýaryna naızaǵaı tústi. Stantsııada tútin shyqty, dep habarlaıdy QazAqparat qalalyq TJD baspasóz qyzmetine siltememen.

Shymkent qalalyq TJD «101» kezekshilik-dıspetcherlik qyzmetine 12 mamyr kúni saǵat 18:57-de janarmaı beketi rezervýaryna naızaǵaı túskeni habarlanǵan.

«Oqıǵa Baıtursynov kóshesiniń boıynda Turan aýdanynda, «Ladýshkı» dámhanasynyń mańyndaǵy «TS» janarmaı beketinde bolǵan. Syıymdylyǵy 23 tonnalyq jerasty rezervýarynda 11 tonna dızeldik otyn bolǵan. Oǵan naızaǵaı túsip, tútin shyqqan. Órt shyqpaǵan, onyń aldyn alý maqsatynda tsısternalarǵa kóbik shashyp, salqyndatqan. Saǵat 19:10-da osy reşervýarǵa kóbik shashý jumysy aıaqtaldy. Eshkim zardap shekken joq», - dedi Shymkent qalalyq TJD qoǵammen baılanys toby.

Oqıǵa ornynda Shymkent qalalyq TJD Órt sóndirý qyzmeti jeke quramnyń 13 adamy men 2 tehnıka jumys istedi.