Shymkenttegi jańadan qurylatyn aýdanǵa «Turan» ataýy berilmek
Aldyn ala ótkizilgen qoǵamdyq tyńdaýda jańa aýdanǵa «Alash», «Jibek joly», «Turan», «Badam», «Mártóbe», «ıAssy», «Qurlyq» ataýlary men Sh.Qaldaıaqov, A.Asqarov, J.Táshenov esimderin berý boıynsha usynys pikirler túsken. Al, kópshilik «Turan» ataýyn qoldaǵan.
Shymkent qalasy ákimi apparatynyń basshysy G.Maýlenkulovtyń aıtýynsha jergilikti qoǵamdastyq ókilderi, ardagerler, zııaly qaýym ókilderi, qoǵamdyq uıymdardyń usynymdary da eskerilgen.
Sessııa otyrysynda QR Úkimetiniń janyndaǵy Respýblıkalyq onomastıka komıssııasynyń qaraýyna «Turan» ataýyn berý boıynsha usynysty halyq qalaýlylary bir aýyzdan qoldady.
Mańyzdy tarıhı sheshim qabyldanǵanyn aıtyp ótken Shymkent qalasynyń ákimi Murat Áıtenov besinshi aýdan qurý – ýaqyt talaby ekenin jetkizdi.
«Qalamyzda halyq sany jyl saıyn artyp, demografııalyq ósim joǵarylap keledi. Sondyqtan qala turǵyndary úshin qolaıly orta qalyptastyryp, basqarý deńgeıin jáne memlekettik qyzmet kórsetý sapasyn arttyrýymyz qajet. Qaladaǵy aýdandardyń shekaralaryn bólý qalanyń Bas jospary negizinde ázirlendi. Sonymen qatar, 2022 jylǵa arnalǵan qala bıýdjeti naqtylandy. Qosymsha qarjy qurylys jumystaryn aıaqtaýǵa, qalanyń ınjenerlik-ınfraqurylymyn damytýǵa baǵyttalatyn boldy,- dedi M.Áıtenov.
Aıta keteıik, jańadan qurylatyn aýdannyń aýmaǵy 36,3 myń ga (qala aýmaǵynyń 32%), halyq sany – 220,7 myń adamdy quraıdy. Qalanyń Bas josparyna sáıkes aýdan aýmaǵynda, 2035 jylǵa deıin 1 175 gektarǵa 2 325 myń sharshy metr jańa kópqabatty turǵyn úı qurylysy josparlanýda.
