Shymkenttegi jańa logıstıkalyq ortalyq 4 eldiń júkterin qabyldap otyr

ShYMKENT. QazAqparat  - Shymkentte ótken jyly iske qosylǵan «A» sanatyndaǵy kólik logıstıkalyq ortalyǵy 500 myń tonnaǵa deıin júk óńdeýge kóshti. Ortalyqta búginde Ózbekstan, Tájikstan, Qyrǵyzstan jáne Reseıden kelip jatqan tranzıttik júkter saqtalyp, kedendik rásimdeýden ótkizilýde. Bul týraly atalǵan ortalyqta ótken brıfıng barysynda aıtyldy, dep habarlaıdy QazAqparat tilshisi.

Atalǵan nysannyń qurylysyn qarjylandyrýdy «Qazaqstan Damý banki» júzege asyryp keledi. Búginde atalǵan bank ortalyqqa 11,8 mıllıard teńge qarajat quıǵan. Ortalyqta árqaısysynyń aýmaǵy 10,3 myń sharshy metr bolatyn eki qoıma jumys isteıdi.  Mamandardyń pikirinshe, elimizdegi mıllıon turǵyny bar úshinshi qalaǵa mundaı qoıma ortalyǵy asa qajet. Sebebi shahar halqy  ósim ústinde bolǵan soń, taýarlarǵa da suranys artatyny sózsiz. Kásipkerler úshin de tıimdi tustary kóp. Ortalyq Batys Eýropa-Batys Qytaı kólik dálizine jaqyn ornalasqan. ıAǵnı bul jerden elimizdiń kez kelgen qalasyna tipti shetelge taýar jiberýge bolady.  Aldaǵy ýaqytta Qazaqstan men Ózbekstan arasyndaǵy saýda-ekonomıkalyq qarym-qatynasty jaqsartý úshin endi eki el arasynda logıstıkalyq birlesken kásiporyn qurý josparda bar.

«Shymkent - elimizdiń Ortalyq Azııaǵa shyǵatyn qaqpasy, ol jaqtan Qazaqstan arqyly tranzıtpen taýar aǵyndary Reseıge jáne keri baǵytta júredi. ıAǵnı joba Qazaqstannyń ekonomıkasy úshin jáne bizdiń kórshilerimizben transshekaralyq yntymaqtastyqty damytýǵa baǵyttalǵan. Bul eń áýeli Shymkent-Tashkent saýda-ekonomıkalyq dálizin damytý turǵysynan mańyzdy», - deıdi «Qazaqstan Damý Banki» AQ atqarýshy dırektory Ádil Ismaǵambetov.

Bank basshylyǵynyń aıtýynsha, birlesken jobada júk kólikteri úshin «jasyl dáliz» engiziledi. Munan soń eki el arasynda jylyna 400 myń tonnaǵa deıin taýar tasymaldanbaq.