Shymkenttegi zaýyttardyń birinde órt shyqty
ShYMKENT. QazAqparat - Shymkenttegi elektr-avtomat zaýytynda órt shyqty. Jalyn «Aıdyn Enerdjı» JShS-nyń eki qabatty transformator jóndeý tsehynda tutanǵan , dep habarlaıdy QazAqparat tilshisi.
Oblystyq TJD baspasóz qyzmetiniń málimetinshe, órt týraly habarlama kezekshi bólimge kúndizgi saǵat 12.30-dar shamasynda túsken.
«Zaýyttyń aýlasynda transformator jóndeý tsehynyń, aýdany 160 sharshy metrlik shatyry, tsehtyń ishinde 11 dana transformator jáne 1 tonna transformator maıy jandy. Órtti sóndirýge 17 tehnıka men jeke quramnyń 70 qyzmetkeri jumyldyrylǵan. Sondaı-aq «LTD Turmys» mekemesinen 2 sý tasıtyn kólik jetkizildi. Órt saǵat 13.46-da tolyqtaı sóndirildi», - delingen baspasóz habarlamasynda.
Qazirgi tańda órt sóndirý qyzmeti tilsiz jaýdyń shyǵý sebepteri men keltirilgen shyǵyn kólemin anyqtaýda. 
