Shymkenttegi túrme basshylary sottalǵandarǵa negizsiz jaza qoldanǵan - prokýratýra
ShYMKENT. QazAqparat – Shymkenttegi túrme basshylary sottalǵan 7 azamatqa negizsiz jaza qoldanǵan. Mundaı zańbuzýshylyqtar kezekti prokýrorlyq tekserýler kezinde anyqtalǵan, dep habarlaıdy QazAqparat tilshisi.
Qalalyq prokýratýranyń baspasóz qyzmeti málimetinshe, túzetý mekemeleriniń ákimshiligi sottalǵandarǵa zańsyz jaza qoldanǵan.
«Tekserý barysynda jazany óteýdiń belgilengen tártibin buzǵany úshin ICh-167/2 mekemesinde – sottalǵan 2 azamatqa, ICh-167/4 mekemesinde - sottalǵan 1 azamatqa, ICh-167/10 mekemesinde - sottalǵan 1 azamatqa, ICh-167/11 mekemesinde – sottalǵan 3 azamatqa qoldanylǵan jazalaý sharalary negizsiz qabyldanǵan. Búginde prokýrorlyq qadaǵalaý aktileri negizinde qoldanylǵan jazalardyń kúshteri joıylǵan» delingen habarlamada.
Prokýrorlar, sondaı-aq, túzeý mekemeleriniń basshylary sottalǵan azamattarǵa negizsiz kótermeleý sharasy retinde «Alǵys» jarııalaǵanyn anyqtady. Búginde atalǵan sheshimderiniń de kúshteri joıylǵan.
