Shymkenttegi tótenshe jaǵdaı: Aǵashtar qulap, 8 myńǵa jýyq abonent jaryqsyz qaldy

ShYMKENT. QazAqparat – Shymkentte jaýǵan nóser jaýyn men qardyń saldarynan kóptegen aǵashtar qulap, elektr jelileri úzildi. Shaharda 8 myńǵa jýyq abonent elektr jaryǵynsyz qaldy, dep habarlaıdy QazAqparat tilshisi.

Qalalyq ákimdiktiń málimetinshe, tótenshe jaǵdaıdyń zardabyn joıýǵa qaladaǵy kommýnaldyq qyzmetter men TJD 111 tehnıkasy, jeke quramnan 600 adam, sondaı-aq «Ońtústik Jaryq Tranzıt» JShS-nyń 24 apatty qalpyna keltirý brıgadasy jumyldyrylǵan.

«Búgin saǵat 12.00-degi jaǵdaı boıynsha 5800 abonent avarııalyq qyzmetterdiń kómegimen qaıta elektr júıesine qosyldy. Qalǵan 12 núktedegi 2200 abonentke elektr qýatyn berý jumystary jalǵasýda» delingen habarlamada.

Al qalalyq TJD deregine qaraǵanda, shaharda 30-dan asa aǵashtyń qulaýy tirkelgen. 21 jeńil avtokólik zardap shekken.